奧奧姐！你係得o既！！！

等成年．終於等到我個ＤＲＥＡＭ　ＣＡＴ......ＴＯＩＬＥＴ！！

第一時間洗好抹乾放返原先Ｄ沙．無耐就見奧奧囉囉ｌｕｅｎ響門口踱步．奧奧咁醒．驚佢急唔識用又想佢學識．我就好似傻婆咁揭起度門一半等佢入．阿小姐又滋滋遊遊咁響度聞下索下．就係咁齊齊踎響貓茅房門口十幾分鐘．

終於等到佢入．開心到我成個撻響度等佢放金．阿奧奧姐．個茅房係大o左ＤＤ唧．都唔洗響度遊花園咁．撥下沙．團下圈．好彩無蝴蝶唧．洗唔洗撲埋蝶呀！？

戲肉o黎o勒．之前有貓友o既貓因為塊隔沙板受傷．我都有Ｄ擔心佢地會整親．但勢估唔到．天資聰穎o既奧奧姐...竟然當塊隔沙板係貓爪板！！！！！

天啊．唔係遊樂場o黎o架．驚佢爪得太起勁整親．拆板都拆唔切．仲以為我同佢玩史唔縮手．跟手繼續半開度門等阿奧奧姐辦完事引渡佢出o黎．唔知阿小姐未培養好情緒辦事定係佢當左個茅房係新玩具．竟然坐向入面唔出o黎．

又等到啦．奧奧姐終於嘗試搵個頭仔揩下度門．但聰明o既奧奧姐．可能Ｄ　ＳＯ　ＳＯ話佢知度門開得一半唔夠出．揩左幾下咁大把又繼續坐響度．唯有開晒睇下點．阿奧奧姐即刻起身散住步咁行出o黎．

唔蝕底o既大佬比比．即刻自行入去辦個小事出返o黎．奧奧全程望住．我唸住奧奧急起上o黎會有樣學樣．

轉個頭．響檯底發現有金粒執．話口未完．貓傢俬附近又一粒．投降了．驚奧奧姐方便慣周圍派金．渣渣林連門都拆埋．

期待咁耐o既夢想貓茅房．半個鐘就俾奧奧姐破晒D主要功能啦．