０４ＮＯＶ２００６．碌卜七個月大啦！

唔經唔覺．碌卜由２４ＪＵＬ２００６開始同我一齊生活已經有三個月零十一日．兒童節出黎見世面既小鬼頭．今日已經七個月大．睇住佢地細細粒變到大大粒．體重仲超越左家姐阿蓮．開心得黎又有Ｄ內疚．點解佢地可以肥騰騰．奧奧就一Ｄ多餘脂肪都無．不過．都係果句．無病無痛我就由你繼續ＫＥＥＰ住索女身型．

碌卜嘛．呢三個多月變化好大．大佬碌碌俾我改左Ｎ咁多個花名．乸型碌．姣婆碌．孤狸碌......如果唔係有旦旦．真係好懷疑佢既性別．成日同大大佬比比痴到實．細佬卜卜居次位．三隻車輪轉ＬＡＭ來ＬＡＭ去再加利叠利法式濕吻．軸心亦難途一劫．俾碌碌電到溫溫燉燉．皆因佢全天候都好似發電廠咁不停放電．如果勁到可以令我唔洗交電費就好囉．

細佬卜卜．愈大愈懶．愈大愈怕醜．有點呆有點蠢．最令我驚訝．竟然比奧奧蠢．可能臭味相投．成日想去痴奧奧．但膽小如鼠既奧奧．卜卜借Ｄ意行埋Ｄ訓響度．都會即刻走頭．卜卜同碌碌性格好唔同．唔會主動嗲人．但走去抱佢攬佢同佢Ｒ痕．甚至俾我當攬枕攬住訓都唔會抗拒．仲咕嚕咕嚕好ＬＵＭ咁呢．我愛史你啊．


２８ＯＣＴ．碌卜既奶爸爸奶媽媽同埋一班阿扁友上黎探四隻小鬼．仲送好多禮物．真係多謝晒．仲幫貓地影左好多靚相．搞到我好唔好意思潻．

先黎碌卜奶爸爸既靚相

呢張好似碌卜媽媽ＭＥＧ　ＭＥＧ丫

巒晒毛既老翻長毛ＭＥＧ　ＭＥＧ

好似舊溶左既黑色脂肪

奶爸爸．係你部機有問題定支鏡有問題．

點解卜卜成個海浪公園果ｄ企鵝垃圾筒咁架．

～相．下回再續～