16 things about me

(Rules: Once you’ve been tagged, you are supposed to write a note with 16 random things, facts, habits or goals about yourself. Then tag 16 persons to let them tell you more about themselves. Of cos you have to tag the person who tagged you.)

1. 猫！不得不提我四隻愛猫．我四條命根．四隻小鬼．真係愛佢地愛到命都俾埋佢地咁濟．比比．奧奧．睩睩．卜卜．比比０４年２月２日入門．奧奧０４年３月７日入門．睩睩卜卜同胎兄弟．０６年７月２４日收歸我門下．一講猫．尤其一講我四隻猫．真係講幾日幾夜都講唔完．所以......ＮＥＸＴ
2. 急！我份人成日都好心急．做野又急講野又急．至弊急得黎表達能力又低．成日搞到講野一舊舊．不過明就得啦．唔好要我講幾次．
3. 無記性．話左唔好要我講幾次．我分分鐘已經唔記得幾十秒前講梗乜／想講乜．又要我組織過．好痛苦．
4. 好細個出黎做野．做家下呢份工前．做左幾多份工！？借埋你你你同佢佢佢ｄ手指腳趾都數唔晒．但無份超過１年．家下呢份竟然咁就過左８年．好得人驚．
5. 好怕出街．一唸起／見到條街ｄ人．頭暈眼訓腳軟乜都齊．試過ｎ咁多次換晒衫準備出門口．ｃａｌｌ人話要放飛機．
6. 朋友唔多．亦覺得唔洗多．久唔久一堆老人出黎聚下舊．知大家都仲健在兼想下當年已經好滿足．
7. 唔好出賣我．跣我．利用我．（下刪一百字）俾我知道．我唔會同你反面．但我會記你一世．相反．我會訓身好好對你直至過世．ＸＤＤ
8. 唔好問我星期幾／乜節物節係星期幾．我淨係會知幾號．
9. 周圍飛但唔好問我邊度最好玩．因為去到都無力玩．輕度自閉既我去到ＯＵＴＰＯＲＴ九成時間都係匿響房上網／訓覺／ＨＥＡ等等．另外一成會出去都係為左買野／填肚．離開間房對我黎講實在太無安全感．
10. 輕度潔癖．（ｅｇ．去完公眾洗手間成日借Ｄ意等人開門．因為自己洗完手唔想掂果度俾無數無洗手既人掂過既門）．但結左婚後已經無咁嚴重．或者已經俾老公同化．唉．．．．．
11. 非常極之十分怕蛇虫鼠蟻．雖然未致於一見會驚叫．但若果你俾我發現酒店房／居住地方有呢ｄ生物存在．即搬．一兩隻都唔得．
12. 成日都想去搵Ｄ野學．但一唸起返黎ＨＫ會ＪＥＴＬＡＧ．上堂會釣魚．返學一出門又要見到周街人呢個過程．唸起就驚．我肯定我十堂會走左九堂半．所以......暫時都係算......吧啦．
13. 成日都滿腦子計劃．唸唸唸最後無樣成．
14. 曾經同女仔朋友到英國生活一段好短既時間．好想再試下．但一定要去ｄ有ｃｈｉｎｅｓｅｆｏｏｄ食既地方．日日吔包ｆｉｓｈ＆ｃｈｉｐｓ．仲有沙律醬撈飯．真係人都癲．不過又係得個唸字．
15. 升職後．成日都唔想返工．人做阿姐我做阿姐．次次返工一唸起要做ｅｙ就想開機門跳機死左佢．
16. 唔係你．要我打一大篇野關於我自己真係啋你都有味．月底上海之旅既食宿．識做啦你．（（（（（哈哈哈）））））