身心受創．．．

噙日幫比比奧奧梳毛．梳完大佬比比再梳阿蓮奧奧．比比見到唔抵得又要梳．廢事順得哥情失嫂意．唯有呢個梳兩下．果個又梳兩下．衰又衰在奧奧一路梳一路周圍碌典地．就係咁．我由房門口又跪又爬一路梳到出廳．



比比跟一陣無跟．同奧奧梳完後入房睇比比．竟然發我脾四仲想伸手隻打我．好彩ＮＯ得快．佢都知衰未掂到我就即刻縮手．唔敢反抗由我抱返出廳．但仲好不滿咁ＮＧ　ＮＧ聲．哼．大個仔有毛有翼．學人發脾四潻．同佢一齊咁耐．今次係我第二次見比比發脾四．仲要係短短一個星期耐發兩次．



咁巴閉．走去沖涼唔啋佢．點知沖完涼一開門．比比又好似中槍咁倒地響度典嗲人．仲要驚死你睇唔到響度嗌．呢頭發脾四呢頭又嗲人．精神分裂咁．係咪傻架！？今日．我仲發現我兩個膝頭都瘀晒吖．




P.S.　懶蟲好毒．仍然痴到實一實．搞到我連ＢＬＯＧ都無ＵＰＤＡＴＥ．快Ｄ遠離我吧！！！