比比奧奧睩睩卜卜PIGGERY

18.9.07

6 DAYS YVR...

一訓醒就約左SHUK LING去食那渣早餐.我個通粉又咸又難食唔在講.佢果個食食下仲見到鐵絲刷既鐵絲.好嘔心.食唔飽但吹水飽.好在各自仲有下場.

恭喜你呢.下個月上TRAINING.可惜我任務失敗.SWAP IN唔到你既機一齊飛.唯有等NOV.

返酒店時.遇到一個好耐好耐好耐無見既阿姐.JUDY.原來已經無做黎左YVR住.仲大埋肚.佢黎酒店搵岩岩到既一個老總聚舊.寒喧幾句就各自返房.

無無聊繼續做SWAP.我OCT竟然SWAP IN左兩班另一個飯腳既機.IRIS.接住SHUK LING棒同我響YVR撐檯腳.

夜晚同IRIS食完飯返酒店時發現有野收.竟然有人留左碗湯響FRONT DESK俾我.@.@"

返到房先發現JUDY朝早CALL過我去飲湯.不過我房既電話神神地無響過.搞到我與世隔絕.雖然D湯唔知擺左幾耐兼凍洒.好彩又無壞.叮一叮飲得.天寒地凍有熱辣辣老火湯飲.好滾動呢.

6 DAYS YVR.仲有兩日.好想返屋企.比奧睩卜一定好掛住我.