比比奧奧睩睩卜卜PIGGERY

29.5.08

卜卜做手術IV...

28MAY2008
好緊張好緊張.飛撲返屋企.但竟然無帶鎖匙.CALL返梗工既XX救我.俾佢鬧到飛起.話我好唔記得帶.話明唔記得.記得就唔會唔帶啦.傻傻地.衰無帶鎖匙無得剷佢唔餵卜卜食乾糧.

一返去見到卜卜眼仔好多分泌.姑娘教搵暖水浸化粧綿敷一陣輕輕揩走D污JO野.一撻落去已經叫.輕輕拎走仲彈一彈.痛死卜卜.我又衰眼花.睇唔真係污JO定係縫針果個結.唔知係咪佢黑毛既關係.大夫驚拆線時睇唔到.將佢縫針條線留到好似貓SO咁長.=.=”

清潔完一大輪.餵卜卜開餐.邊個死人頭話佢唔食.唔洗逼佢已經食左60粒.返黎半日已經餵左185粒.典做野架.如果今日唔係衰無帶鎖匙.實鬧爆你.

平時放開長糧俾佢地.真係唔知餵幾多至夠.唯有餵到佢停口唔食為止.25號到家下都無大大.仔丫仔.快D俾金我執丫唔該.

唔該晒奶媽呢幾日係咁俾我煩.為左報答佢送佢聽下卜卜咕嚕咕嚕聲.等佢可以放心下.

卜卜做手術III...

27MAY2008
要返工.無得陪卜卜.好彩XX放假.全日心掛掛.無良既我可以飛8日都唔俾一個SMS/電話XX既我.好耐未試過響OUTPORT係咁SMS俾XX.煩到佢後尾都唔覆我.死架佢!

據xx講.佢撩卜卜玩繩.玩到xx驚左佢.因為卜卜掙大隻眼.xx驚佢掙爆d線收埋左條繩響枕頭底.個爛玩仔又自己摷出黎撩xx玩.傻架...

又據xx講.佢餵卜卜食乾糧但卜卜唔食(((喎)))!@&y!)&@)(#.只係餵左一條東洋雞柳同烚左一條雞柳.但佢食唔晒.即係又益左雞虫睩.

卜卜做手術II...

26MAY2008 雖然大夫話可以俾水.蛇gua既我又驚佢會嘔.一早起身天光無耐收埋個水兜.又要犠牲比奧睩陪細佬一齊禁水一幾個鐘.細佬咁慘.你地乖乖地捱下義氣啦.

1200出發去診所.去到非常多人.果度已經細.d人又街市咁大聲講野.好彩無的埋卜卜入去等.嘈死. 等到13xx先輪到卜卜見大夫.入到去個傻仔又係咁咕.大夫完全check唔到佢心跳.你知唔知你大難臨頭丫傻仔.唉......

大夫話手術後要縫埋眼仔約兩星期.因為唔知佢損壞地方有幾深.做手術時先知.如果做果刻發現太深先用第二個方法做.到時會電話即刻通知我.一聽到呢度.就傻婆咁不停講.麻煩有咩即刻call我.查實期間e生講左好多野我已經九成唔記得.大約記得完全復完要六至九個月.有可能好返後都有個烘唔會消失.亦有可能會消失.簡單d講即係有可能影響外觀.無所謂.反正有無都唔輪到我地揀.我只係唔想佢痛.我同卜卜講.有的話咪型囉.真係有出得黎行無番撻lar點得.個傻仔又咕. 到臨走果刻我仲keep住同姑娘講有咩即刻call我.有咩即刻call我.有咩即刻call我.有咩即刻call我.佢可能以為我傻的.

放低左卜卜就返左屋企等.好心急好心急好心急好心急好心急好心急好心急好心急好心急好心急.

16xx.大夫打黎卜卜開始醒.叫我地大約六點鬆去接返佢.去到又係等好耐.終於見到帶左mini花花既卜卜(之前朵花俾人呃話岩size.今次終於買返個細d).姑娘拎落黎時佢都無郁.一聽到我地把聲佢就響個袋入面係咁撞.唔知係咪想出黎打我好帶佢去做手術. 大夫又有手術做梗.搵左個姑娘俾低藥同教我地點清潔縫左兩針既眼仔.

返到屋企放左佢入房.一出袋佢即匿響床底.幾時先嬲完呢.我都唔敢滾搞佢.到好夜佢自己先出返黎.戴住MINI花花既卜卜唔識自己食野飲水.XX餵左佢食少少糧後佢又繼續匿埋.到我訓時聽到佢撞到個兜.拮起身餵佢食.好快佢就食左百幾粒乾糧.好餓定勒.仲要好嗲好嗲.卜卜真乖.咁快嬲完我.做完手術後既卜卜好嗲.

卜卜做手術I...

相信好多朋友都知道卜卜眼仔有事.今次除左差過上兩次外.期間仲不斷惡化.真係痛左兒身又痛左母心.終於經大夫建議後.決定同卜卜做book左26號做眼角膜移位手術.1230-1800.如果無其他急症.如無意外可以黃昏接返佢.有意外的話就可能要過夜.唸起又貓又狗係咁叫已經好擔心會嚇親卜卜.

呢排已經好多野煩又大壓力.仲要卜卜咁樣真係好灰好心痛好大壓力.

25MAY2008
夜晚大約2100開始禁食.大夫話水可以照俾.又驚佢第二日全日無得食會餓.又唔知係咪肯定可以即日接返.又驚佢做完手術無胃口.有D想2100前有咁飽餵到佢咁飽.可惜佢又唔為食.一到2100.比奧睩陪卜卜一齊禁食.