．睩睩覆診．

．今日四點吵醒訓到傻下傻下既既睩睩．
．返陳大夫度覆診．
．噙晚我訓前到今日出門口睩睩都無尿尿．
．拎唔到尿尿ｓａｍｐｌｅ．

．入到去摸摸摸．
．陳大夫話睩睩未大大未尿尿．
．ｄ金條應該仲好大下．
（咁都摸到！？）
．陳大夫就抽左ｄ尿尿驗．
．不妙．
．響尿尿度驗到有血小板．
．即係話尿尿仲有血．
．但肉眼睇唔到．
．好彩．
．尿尿入面無任何晶石．

．陳大夫話情況進展良好．
．至於點解發炎．
．八成猫猫都係自發性．
．即係無得解．

．陳大夫今次無開上次個大夫開既懵仔藥．
．佢話太強了．
．睩睩家下呢個情況唔洗再食果隻懵仔藥．
．開左一隻ｍｉｌｄ　ｄ既消炎藥．
．一個禮拜後拎尿尿返去驗．

．陳大夫仲話無咩必要唔洗帶睩睩返去．
．免得佢有ｓｔｒｅｓｓ．
．真好．

．又唔洗返工．
．又唔洗搵錢．
．你ｄ　ｓｔｒｅｓｓ何來呀仔？．

～～～～～～～～～～～～～～～～～～～～～～～～～～～～～

．另外問左陳大夫．
．有冇猫猫杜虫針打．
．陳大夫話無．
．聰明既你應該都估到我想打邊隻．
．陳大夫話．同一環境．無多無少猫．
．其實可以偷懶唔餵都得．
．佢話當佢私下講既．
．環境無變．猫量無變．又唔出街．
．其實有虫機會好細．
．可以懶得就懶．
．餵到杜虫等陣搞到佢有ＳＴＲＥＳＳ引致其他病仲衰．
．啊．收到了．
．又煩少樣．真好．

．全宇宙最可愛既睩卜．

．今日．４歲啦．

（（下回分解來了．但變成咁））

．本來好高興既一日．
．變為最灰既一日．
．ｍａｍａ心臟病入院．
．ｂａｂａ証實有柏金遜．
．大姐夫ｒｅｐｏｒｔ出左．下個禮拜要做大手術．
．唸住仲可以趕得切同睩卜慶祝．
．其實下晝已經發現佢有ｄ唔妥．
．我一剷沙就逼埋黎ｍｏｕ．
．又無野痾得出．
．但見２　３次就無再係咁．唯有觀察下先．
．點知一到半夜．
．突然連環去１ｘ次．
．無誇張．係１ｘ次．
．但我只發現兩小舊尿球．
．其中一舊仲要有ｄ粉紅．
．我已經急到想喊．
．又唔敢訓．
．成晚睇住佢響廁所出出入入．
．終於捱到天光帶佢去睇大夫．
．照完ｘｒａｙ話佢無大礙．
．但骨駱有ｄ鬆．有骨刺！！！．
．大夫只開消炎藥．
．一星期後返去覆診．

．仔呀仔．女呀女．
．我只想你地身體健康．