抖暑進行中．．．

懶多幾日呢個結晒網既扑落．擇日響開學日翻生．

豈有此理．．．

一個三號波搞到我有家歸不得．去到酒店連一毫子ＡＬＬＯＷＡＮＣＥ都無．晨早去到又無得走．仲要響架爛鐵度焗桑拿焗左ｎ咁多個鐘．返到黎乜鬼都無又吽個幾兩個鐘先唔洗再焗桑拿．鬼唔望快Ｄ見報俾人投訴又無冷氣．

無得返屋企．濟溜響台北．竟然發現我有台幣五百個大洋．成ＳＥＴ　ＣＲＥＷ得我一個唔洗唱錢．嘿嘿．

同三個戰友去左豬皮開果間麻辣餐廳食野．見到ＵＮＣＬＥ　ＨＯＵＳＥ代言人脂脂．都係唔好望．廢事影響食慾．食飽飽去左行誠品．行完又口痕．走左去買野食．買左...茶葉旦三大隻．同埋......林志玲乳酪．戰友仲千叮萬囑．唔好買錯可愛教主．唔好食喎．

．．．ｘｘｘｘ．．．

如果有日返黎見我面無血色．打都無反應兼死魚眼咁瞪住你．又唔肯定我係咪死鬼左．你千祈唔好ＣＡＬＬ白車帶我去睇醫生．因為Ｄ庸醫可能連ＢＲＥＡＴＨＩＮＧ　＆　ＰＵＬＳＥ都唔ＣＨＥＣＫ．見我未全身疆硬兼未出屍斑．響估我未死既情況下．會建議你留我響停屍房隔離既深切治療部觀察下．不過......未必夠床位．最終都係叫你帶我返去自行觀察．

觀察幾耐！？唔知架．總之你見到有屍斑咪抬我返去深切治療部......隔離果度囉．無既你咪一直觀察落去囉．未出屍斑嘛！