ＭＲＳ． ＮＯＲＷＥＧＩＡＮ

你好厲害吖！果然介唔甩ＣＲＥＷ既傳統．去到邊都要食ＣＨＩＮＥＳＥ　ＦＯＯＤ．依家仲自己整叉燒．真係不得不寫個服字俾你！ 不過下次你要學Ｄ乜太咁．抹乾淨個碟邊先好出鏡喎．

快Ｄ學多幾味．到我o黎搵你果陣．煮九大ｘ俾我食．

新一年祝你快ｄ脫離魔掌啦！ＷＡＫＡＫＡ！！過埋狗年生隻

新春特別通告

致所有準備o黎同我拜年既人士：


請你地千祈絕對唔好買人食o既嘢上o黎拜年！！


家居日用品如盒裝紙巾．廁紙卷．洗衣液．衣物柔順濟．洗頭水．護髮素．沖涼液．牙膏．漱口水等．甚至要送我女性日用品都無任歡迎．各日用品牌子請向本人查詢．



放心．價錢比你地買曲奇餅...瑞士糖...朱古力等等更為便宜．睇我幾為你地切想．



至於各已婚／準備抽貓水o既人士．上門時請準備（（利是））俾我對寶貝仔女比比奧奧作為肉金．此肉金利是將會撥去比比奧奧既私家戶口作為糧餉．補身及玩樂之用途．



通告完畢！

比比奧奧好應節．．．

今朝一早就開年．最衰都係我．執野時見到兩條買返o黎未用過既啷啷頸圈．身痕幫佢地戴起．點知又好似以前咁．一戴頸圈就上左身咁打到ｆｅｅ　ｆｅｅ聲．嚇到我除到除唔切．

恭賀新禧．．．

狗　貓　食　六　不　財　身　心

年　肥　極　合　勞　色　體　想

行　屋　唔　常　而　兼　健　事

大　潤　肥　中　獲　收　康　成

運

人起身我去訓．．．

最終自己留響房叫ＲＯＯＭ　ＳＥＲＶＩＣＥ團年．作死你．咁既賣相．已經食慾大減．仲難食到．真係想ＬＵＲ出黎．一陣味再加埋兜唔熟既飯．你好意思收我成兩舊水嗎！？真係被坤了！！！

團年．．．

唔知比比奧奧兩隻小鬼頭響做梗咩呢．一齊咬梗餅仔慶團年？你地個春虫虫貓地老豆有冇醒個罐頭你地食呢？掛死人啦．等我返o黎封過大利是過你地．跟手咸濕一番．

















原來奧奧側身o既線條一流．真係呃得下人可以扮肥妹．臭比比．訓我枕頭仲兇啤我．找死定勒！！

不過......岩啦岩啦．一直咁樣撻響張床等我返黎啦．．ＸＤ

我掛你地掛到懞左．今日成日以為自己去梗ＹＶＲ．落機果刻先醒起唔係．遊魂！

一如以往．．．

今年新年依舊唔響香港．今日起一連四日出征前往ＡＫＬ．睇見貓版Ｄ貓友放毒．好似好多士多啤梨寵物用品賣呢！！！嗚．．．好想去呀！！！！！

借題發揮．．．

咳到肺癆鬼咁．借題發揮宣佈休息ｘ天．仲要俾人話我百日咳．真係咳足一百日先停！？我就數住你！！！

早幾日先話完黃老師潛左水．今日突然浮出水面．好邪．引唔住潤佢兩句．（（蒲頭！？如果打錯既話．我可以當睇唔到ＣＡＬＬＥＲ　ＤＩＳＰＬＡＹ．扮唔知係你．可以收線架！））接住落黎就聽到佢既招牌笑聲．幾驚佢會上港聞頭版．教書壓力真係不足為外人道．尤其純如綿羊．踩死隻蟻都可能訓唔著既”沙律”．不過”沙律”俾左一個比上港聞版更嚇人既消息我．吃回頭草......當堂Ｏ晒嘴．沙律吖沙律．名校出身．飽讀思書．以你既聰明才智．點解會揀今時今日先返黎呢？．正苦減人工時去做為人師表被學生精神虐待．阿公減新入職人工時你就返o黎．唉．係咪嫌錢腥呢？依家Ｄ新人仲惡到乜咁．真係擔心你ＴＲＡＩＮＩＮＧ時俾人蝦．等你快Ｄ　ＴＲＡＩＮ完．一齊去被勞役吧．ＳＩＧＨＴＳＥＥＩＮＧ......唔洗唸．落地後訓得好已經係ＢＯＮＵＳ！不過第時又可以同你齊齊ＩＤ　ＴＲＡＶＥＬ！希望幸運之神照顧住你呢隻小綿羊！

阿扁ＧＡＴＨＥＲＩＮＧ

近排最高興最開心就係今日．因為今日係阿扁一族ＧＡＴＨＥＲＩＮＧ既大日子．上次貓展抽水機會唔多．今日......嘿嘿！！過足手癮．頭號兩大ＴＡＲＧＥＴ排名不分先後有大頭煲煲同黑頭大王．大頭煲煲成日都楚楚可憐．好似女仔唷．黑頭大王簡直ＬＵＭ死女．一抱佢就撻向你個身度．仲好好肉地潻．可愛死呢！肥肥呢位小朋友．真係無時停．豬油包就好陰公豬．成日想走佬．

今日好多溜網之貓未能成功抽水．只係有幸係咁易摸下．='(　．春麗ＤＲＯＰ　ＤＲＯＰ．冬冬（１４歲真係睇唔出）．ＫＵＬＯ．多多．ＯＳＣＡＲ．ＢＥＮ　ＢＥＮ等等等等......最最最失策係．原來我淨係同黑大頭王有合照呢．嗚......

．．．

破天荒地咁既組合出黎聚聚吹水一輪後．多o野唸到訓唔到．人大總會變．有Ｄ事我自己都未搞清．你地又點會明．

突然同道中人o黎個午夜兇聆．又傾到天光．係你已經解決到所以特別清醒定真係咁勁可以睇通睇透呢？你講到好似比我更了解我自己．或者真係俾你講中．呢個係長期失眠既原因．

原來......唔只一個人估我有第二個．真係......無o野講．係都唔洗等今時今日嘛！？將來......無人可以GUARANTEE．但呢一刻．嫌疑犯只有......比比奧奧囉．　=.="　

奸仔奸妹．．．

出征中東完畢．出走前落足迷藥．唸住返到屋企比比奧奧點都會門口接待o黎應酬下我．但開門只見奧奧訓到條Ｃ咁．只係係咁易哨下我就繼續訓．八卦比比聽到開門聲又出奇地唔見貓．入房搵佢．見到佢又霸左我隻枕頭．哄個頭埋去嗲下佢．竟然眼都唔擘大．搵隻衰手仔推開我．你兩個奸仔奸妹．反面唔認人．呃咗我Ｄ零食罐頭．呃我Ｒ痕梳毛．哼！！！o黎梗一個星期．乜都無．食餅仔啦！！！

放逐中東之行．喪Ｃ咁開工．喔．撞返樣貌激似ＬＦ老細陳ＸＸ既ＣＲＥＷ．即刻問佢豐胸有冇ＤＩＳＣＯＵＮＴ．ＸＤ．一見如故．ＢＩＬＩＢＡＬＡ．醒晒！仲要發現同行中有共同敵人．懶霸鞋油王大肥仔．過重播．阿公慳梗錢．會唔會好快俾人ＯＦＦＬＯＡＤ無得飛呢！？

好可惜．我同翻版ＬＦ老細一頭一尾．可憐o既佢要ＰＡＲＴ死敵．可幸o既係......我唔洗接觸到肥膩o野！！！

今次破戒出去食地道o野．賣相一般．味道不錯．辣Ｄ就更好．但......食完第一餐返酒店已經肚瀉．＝．＝”

軟禁中．．．

今個月咁少鐘．估唔到遭軟禁o既第一日竟然被電召ＤＴ去ＴＰＥ．接８７３返．但點解我做果陣停ＴＰＥ又要直踩返o黎既．＝（．不過...都算執到支好籌．仲有三四日要捱呢．

ＰＳ．阿邊個邊個．咁都發現我個ＢＬＯＧ．俾十個叻你．雖然心情指數跌到極低點．但唔好引誘我住．今時唔同往日．閉關多時．好易喵吖．同埋你個電話搞咩．打俾我先再傾！

聚首一堂．．．

９ＪＡＮ一早就同香片去做ＵＳ　ＶＩＳＡ．雖然響中環都返過兩三年工．但出名路盲既我．加埋路癡香片．去領事館事真係有Ｄ難度．途中遇到好耐無見既ＣＬＡＳＳＭＡＴＥ　ＷＩＮＳＯＮ．時間關係．極速寒暄幾句就ＢＢ．之後再撞到ＡＮＮＡ．

反正十年都唔逄一潤．索性電召金Ｃ９夜晚出o黎聚一聚．我地真係愈o黎愈愈少見．雖然時間好短．話題仲講極都唔完．唯一有Ｄ唔完美o既係．長期潛水玩失蹤既黃老師．仲未浮水出面．但當晚都好開心．唔知佢依家唸到絕招去應付Ｄ學生未呢！？

呢幾日放假日日響屋企．把握機會對比比奧奧落重藥收復失地．效果非常成功．ＸＤ．痴身痴到我暈得一陣陣．不過...唔好成日訓響部電腦上面兼踩住我個ＫＥＹＢＯＡＲＤ擺晒ＰＯＳＥ伸懶腰．留番Ｄ位俾我好喎．踩爛我部電腦扣你地糧餉o架！！比比．你睇你個躉大到．就o黎要同你節食啦．

第一次．．．

大前日臨返工前又病過．唔想ＳＴＡＮＤＢＹ之餘亦唔想下個月再見到呢班機．唯有頂硬上．去到酒店又訓唔到．跟住又捱一晚通宵先返到．做到一半已經想暈想嘔．眼見就快收工．自作聰明唸住食上次淨返ｄ藥頂住先．就係咁．第一次放工後訓到唔知醒落車．最後...成條軟皮蛇咁搭多次車返屋企． =.="

依家０３ｘｘ．仲未訓得著．但等陣又要去米國領ｘ館ＲＥＮＥＷ個ＶＩＳＡ．討厭！！！

今次去ＣＭＢ．間房個ＶＩＥＷ好靚．晏晝同ｄ　ＣＲＥＷ落酒店食ＬＵＮＣＨ　ＢＵＦＦＥＴ．唔係魚就豬．其他全部都係ＤＥＳＳＥＲＴ．無樣岩食．唸住拎Ｄ　ＳＡＬＡＤ．點知俾我見到幾隻小小小強響度散步．當堂連梗有o既食慾都無埋．=.="

唯一令我醒神係見到有個酒店ＳＴＡＦＦ兩手空空行左落水池．Ｄ魚同天鵝即刻一湧而上跟住佢．原來係落池餵佢地食野．Ｄ魚條條伸晒個頭擘大口露出水面等食．天鵝就好奸．人地都未開始餵．佢地自己伸個頭去個桶度搶食．不過個情境好得意好好笑．但係......我影唔到呢！！！ = (

就o黎可以做鐵人．．．

完全無訓過．又要開工踩十幾粒鐘．希望到咗後唔好又”支力”過龍訓唔到．眼光光等天光就弊．

安安佳佳．我就快黑過你地啦 =.="

我又日夜癲倒啦．．．

日日唔到天光六點都訓唔到．典算好．６號又凍啦．唸住４號同比比奧奧白白豬．點知又訓到下晝先起身．但醒唔夠兩個鐘又訓到天黑先起身．仲豪o左兩舊水連串史演唱會都唔去睇．我都唔知痴左邊條線會買佢地演唱會o黎睇呢！？

等陣一定要早ｄ起身去做ＹＯＧＡ至得．唔係趕唔切番o黎同佢地大浴戰．

ＰＳ．光頭太．我６號返工．６號又開始凍．仲要次次都係我走果日先開始凍．六合彩又唔見我中！！冬天都就o黎完．我今個冬季都仲未試過響香港著冬天衫！！

又天光先o黎瞓．．．

一瞓就瞓過龍．原本唸住十點起身去做ＹＯＧＡ．點知成點半先起身．差Ｄ連手甲都趕唔切去整．整完無聊地同貓地老豆睇毒物．．．電腦．．相機．．貓．．真係愈睇愈身痕．．

等到七點幾再約埋去一個版友度拎痴毛機．嘻．去親都好興奮．貓地實在太可愛啦．真係想帶個大Ｄ既袋去偷梗一兩隻走．．菲菲＋哈利波突．．ＷＡＫＡＫＡ．．．帶你番屋企睇魚魚丫．．ＸＤ

今晚唔得啦．都係渣渣林食安眠藥早Ｄ訓．聽日做完ＹＯＧＡ番黎同貓地大作戰．．白白豬！！！

２００６

話咁快又一年．ＨＫＴ　００００同幾百人困埋一齊渡過．真係......

舊年好多o野想做又無做．好想今年做番．想讀書．想買樓．想學化粧．想學影相２０Ｄ呀２０Ｄ．我唔會俾條金魚佬咁樣浪廢你架．唯有自己o黎．想同比比奧奧搵多個細佬／細妹．又想......都係勤力ｄ返工儲錢先．

仲有樣好緊要．少ｄ病痛兼唔可以往（（月巴））．睇見好多結左婚o既朋友不斷咁澎脹．真係有ｄ驚．要好好咁警剔下自己．今年真係要做多Ｄ運動．勤力ｄ去做ＹＯＧＡ．

希望個個都想果樣有果樣．．